تدري وش الي يذبح القلب ياقلبي

[center]تدري وش اللي يذبح القلب ياقلبي ,, إنك تحب إنسان ويحب غيرك}--



ياقلب جيتك وافهم العلم ياقلب
اللي تحبه يموت في حب غيرك !!

كم قلتلك ياقلب خله على جنب
يمكن مسيره يستوي مع مسيرك

الدرب واضح بس لا تجهل الدرب
اللي يحبك دايمٍ يستشيرك

ماهو مثل صاحبك عايش على الكذب
وان ماكذب يموت الله يجيرك !!

تبي الصراحه مالك ومال هالقرب
ماهو كفو شرواه يصبح عشيرك

انا ادري انه ترف وصغير وذرب
لا كن مصيره يختلف عن مصيرك

لا تحسبن السالفه كلها لعب
اصحى معي من شان يصحى ضميرك

اللي تحبه صعبه شوي ينحب
قله يروح وكثر الله خيرك

تدري وش اللي يذبح القلب ياقلب
انك تحب انسان ويحب غيرك؟